Arıqlamaq üçün salfet yeyen manikenler

Moda dünyasının məşhur jurnalı "Vogue"da 13 il işlədikdən sonra qovulan Kristi Klementsin  dərc etdiyi yeni kitabında manikenlərin arıqlamaq üçün salfet yediklərini iddia edib

Ölkə.Az saytı bildirir ki, "The Vogue Factor" adlı kitabda manikenlərin kilo almamaq üçün ac qaldığı və özlərini tox hiss etmək üçün salfet yedikləri yazılıb.

Manikenlərin arıqlamaq düşüncələrini "Paris tipli arıqlıq" adlandıran redaktor Klements kitabında Mərakeş çəkilişlərində modellərin üç gün boyunca heç nə yemədiklərindən bəhs edib. Həmçinin modellərin üçüncü günün sonunda gözlərini açmağa və ayaqüstə durmağa halları olmadığının şahidi olduğunu öz jurnalında qeyd edib.

Moda dünyasının sirli məqamlarını ortaya çıxaran kitab insanlar arasında şok yaradıb. Klementin nəyə görə illərdir susduğu və həqiqətləri işdən qovulduğu üçün söylədiyi isə sual altındadır.

Ölkə.Az