Plastik və Estetik cərrah gözəl olmağın sirlərindən yazır
Op. Dr. Günel Bayramlı,
Plastik və Estetik cərrah
Bizim gözəlliyimiz dünyanı xilas edəcəkmi?!
Günümüzdə reklam oyunları nəticəsində asanlıqla təqdimatlara aldana bilirik. Bu plastik cərrahiyyəyədə aiddir. Parlaq jurnal səhifələrində təqdim olunan çox plastik cərrahlar var. Gözəlliyin sirləri və gözəl olmağın qaydaları haqqında məqalələr yazılır. Seçim etməkdə isə, bəzən çətinlik çəkirik. Bəzən isə, tez-bazar bunu qərarlaşdırırıq. Bəs plastik əməliyyat etdirmək istədikdə cərrahımızı necə seçməliyik? Reklamlarlamı? Axı bu reklamlarda həkimlər haqqında ancaq gözəl sözlər yazılıb: Elmi dərəcəsi var, unikal əməliyyat metodu var və hər şey yaxşı olacaq.
Plastik cərrahımızı necə seçməliyik?
İlk olaraq, cərrahınızla mütləq görüşməlisiniz. Əməliyyat olunmaq, estetik olsa belə ciddi müdaxilədi. Bu işə ciddi yanaşmalıyıq. Əslində yanaşırıqda, ona görədə əməliyyatın adı gələndə qorxuruq. Qorxduğumuz işi necə həyata keçirdə bilərik? Əgər inanırıqsa. Beləki, ilk olaraq, cərraha inam olmalıdı. İnam konsultasiya əsnasında yaranır. Ona görə vaxtınıza xəsislik etməyin, əməliyyatdan öncə bir neçə plastik cərrahla görüşün.
Xarici görünüşünüzdə olan bütün dəyişikliklər sizi daha gözəl etməlidir. Həmdə təbii. Amma yadda saxlamalıyıq ki, bu dəyişikliklər bizi məşhur insanlara bənzətməməlidir. Bu yalnışdır. Əgər cərrah sizə öz əl işlərini (etdiyi əməliyyatların şəkillərini) görsədirsə, bu o demək deyilki, sizin əməliyyatdan sonra alınacaq nəticəni təqdim edir. Sadəcə olaraq, sizi əyani olaraq öz bacarıqları ilə tanış edir.
Əgər cərrah sizə bu və ya başqa bir əməliyyatı etmək istəmirsə və bunu tibbi olaraq izah edirsə, təzyiq etmək doğru deyildir. Deməli, cərrah sizinlə təmiz söhbət edir, bu peşəkarlıqdır.
Hər kəs çox yaşamaq istəyir. Amma heç kim qocalmaq istəmir.
“Mən sizin cavanlığınızı geri qaytaracam”, “Siz 20 yaşınızdakı kimi görsənəcəksiniz”, “Nəticəmiz ömürlük olacaq” sözlərinə inanmayın. Biz qocalığı dayandıra bilmərik. Bir plastik cərrahın vəzifəsi sizə, bu günkü gündə özünüzü daha yaxşı hiss etməyinizə kömək etməkdir. Qocalmanın sizə gətirəcəyi depressiyanı uzaqlaşdırmaqdır. Estetik cərrahın sehirli çubuğu yoxdu. 50 yaşındakı xanım hec bir zaman 20 yaşındakı kimi görsənə bilməz. Amma 50 yaşındakı bir xanım öz yaşını verməyə bilər və daim diqqət mərkəzində ola bilər. Əməliyyata çox sadə, bir oyun kimi baxan cərrahada inanmaq olmaz. Həkim sizə əməliyyat, baş verəcək ağırlaşmalar haqqında danışırsa, öz profesiyasına, pasientinə, əməliyyata və son nəticədə reputasiyasına ciddi yanaşır deməkdir.
Reputasiya bir plastik cərrah üçün siyasətçi qədər vacibdir.
Ucuz qiymətlərə aldanmayın. Hər işin real qiyməti var. Söhbət sağlamlığımızdan gedir. Bu işdə qiyməti ödənilməli olan dərmanlar, klinika, cərrahın əl işi, anestezioloq, tibb bacıları var. “Ucuz ətin şorbası olmaz.” deyirlər. Ucuz axtardığımız yerdə nəticəsiz işlə qarşılaşmayaq. Səhf nəticəni düzəltmək üçün daha artıq pul xərcləməyək.
Artıq cərrahımızı seçdikdən və onunla hər şeyi ətraflı müzakirə etdikdən sonra ciddi əmək sərf edərək sizdə əməliyyata hazırlaşmalısınız. Beləki, əməliyyatdan 2 həftə əvvəl və 2 həftə sonra siqaret, spirtli içki, qan sulandırıcı dərman və qidalardan uzaq durmalıyıq. Əməliyyat üçün lazımi bütün analizlərdən keçməliyik. Bunu sizə cərrahınız söyləyəcək. Əgər sizdə şəkərli diabet varsa, siz siqaret çəkirsinizsə, içki içirsinizsə, qan laxtalanmanızda problem varsa siz riskli xəstə qrupuna aidsiniz deməkdir. Estetik əməliyyatlar təcili və həyatı vacib əməliyyatlar deyil. Ona görə, estetik əməliyyat olunmağa tələsməyin. Əgər, əməliyyat üçün riskli vəziyyətimiz varsa, ilk öncə müalicə olunub riski azaltmalıyıq, ardından əməliyyat üçün hazırlaşmalıyıq.
Siz cərrahınıza sağlamlığınızla bağlı bütün məlumatı çatdırmalısınız (xroniki xəstəliklər, allergiya, daha öncə keçirtdiyiniz əməliyyatlar və s.).
Başa düşməliyik ki, biz əməliyyata gedirik və əməliyyatdan sonra mütləq bir müddət ağrımız, göyərtilərimiz, şişkinliyimiz olacaq. Bunlar tədricən keçəcək. Unutmamalıyıq ki, bütün əməliyyatlarda olduğu kimi plastik əməliyyatlardan sonrada infeksiya, qanama, kelloid çapıq, hissiyyatsızlıq və s. kimi ağırlaşmalar ola bilər. Əgər siz pozitiv olsanız, cərrahınıza inansanız, bu ağırlaşmalar haqqında bilsəniz, amma bunun üzərində çox düşünməsəniz, əməliyyatdan sonra cərrahınızın dediklərinə əməl etsəniz mövcud ağırlaşmalardan uzaq ola bilərsiniz.
Həkiminizə bütün suallarınızı verin, hətta ən sadə sualları belə. Ağlınızda sual qalmasın. Cavabsız sual yoxdur. Sualsız cavab isə çoxdur...
