Ermənistanın sərhəd məntəqəsində Rusiya bayrağı

"Region TV" Ermənistan-Türkiyə sərhədindən xüsusi reportaj hazırlayıb.

Erməni əsgərlərinin nə döyüş qabiliyyəti var, nə də ki, ruhu. Bu ölkə, hətta, havadarları olmadan öz sərhədini belə qorumaq iqtidarında deyil.

Ermənistan, Azərbaycan ilə Türkiyə arasında imperialist qüvvələrin bir layihəsidir. Bu layihə, ümumilli lider Heydər Əliyevin sözləri ilə desək, bir milləti iki dövlətə ayırıb. Erməni dövləti, özlərinə aid olmayan qədim Azərbaycan torpaqlarında - İrəvanda yaradılıb. Maraqlısı budur ki, bir zamanlar Qərbi Azərbaycan torpaqlarını işğal etməklə özlərinə dövlət quran Ermənilər bu gün həmin torpaqları qorumaqda acizdir.

Ermənistan sərhədlərini başqa dövlətlərin qoruması heç kəsə sirr deyil. Əməkdaşlarımızın lentə aldığı görüntülərdə bu bir daha sübut olunur. Ermənistan-Türkiyə sərhədi erməni və rus əsgərləri tərəfindən birgə qorunur. Ermənistanın sərhəd məntəqəsində erməni bayrağı ilə yanaşı, Rusiya bayrağı da görünür. Üstəlik, Ermənistanın öz bayrağı Rusiya bayrağından bir neçə metr aşağıda dalğalanır.

Ölkə.az