Merkel və Poroşenko bəyanat verməyə hazırlaşır
Merkel və Poroşenko 13 mayda Berlində görüş keçirəcək.
Ölkə.Az dünya mətbuatına istinadən xəbər verir ki, Almaniya kansleri Angela Merkel 13 mayda Berlin şəhərində Ukrayna prezidenti Pyotr Poroşenko ilə görüşəcək.
Bu barədə Almaniya hökumətinin rəsmi təmsilçisinin müavini Kristian Virts məlumat verib.
"Yerli vaxtla 14:00-da kansler Ukrayna lideri Pyotr Poroşenkonu qəbul edəcək. Danışıqların başlanğıcında tərəflər mətbuat üçün bəyanatlar verəcəklər", - deyə Virts bildirib.
Almaniya hökumətinin rəsmi saytında bildirilir ki, Merkel və Poroşenko Ukraynanın şərqindəki vəziyyəti, Minsk razılaşmasının reallaşdırılması, ölkə iqtisadiyyatının durumu və respublikada islahaltların aparılması prosesini müzakirə edəcəklər.
Sonuncu dəfə Ukrayna prezidenti kanslerlə Berlində 13 mart tarixində görüşüb.
Rəşid Mustafazadə
Ölkə.Az
