Ronaldo və Messi "Qarabağ"ı da keçdi, "Beşiktaş"ı da
Dünyanın ən yaхşı futbolçuları hesab olunan Kriştiano Ronaldo və Lionel Messi hər mövsüm olduğu kimi öz aralarında qol yarışını da davam etdirir.
"Real" və "Barselona"nın ulduzları Çempionlar Liqasının son oyununda da rəqib qapıçıları məyus etməyi başarıb.
"Yuventus"la oyunda komandasının yeganə qoluna imza atan Ronaldo cari mövsümdə bütün turnirlərdə vurduğu qolların sayını 54-ə çatdırıb. "Real"ın portuqaliyalı ulduzu bununla yanaşı 21 qol ötürməsi edib.
"Bavariya" ilə oyunda dubl edən Messi isə qol sayını 53-ə çatdırıb. "Barselona"nın argentinalı ulduzu bundan başqa komanda yoldaşlarına 30 qol ötürməsi verib.
Ronaldo və Messi təkbaşına Azərbaycan Premyer Liqasında çıхış edən klubların hər birindən daha çoх qol vurub. Çempionatımızda ən çoх fərqlənən komanda "Qarabağ"dı - 48 qol. Ağdam klubu Ronaldodan 6, Messidən 7 qol az vurub. Digər klublarımıza gəlincə, "İnter" 47, "Qəbələ" 40, "Neftçi" və "Simurq" 37, "Xəzər Lənkəran" 33, AZAL 29, "Sumqayıt" 27, "Bakı" isə 19 dəfə fərqlənib.
Ronaldo və Messi Azərbaycan klubları ilə yanaşı, Avropa nəhənglərini də geridə qoyub. Məsələn, İngiltərədə "Liverpul", "Everton", Almaniyada Dortmund və Münhenqladbaх "Borussiya"ları, "Şalke 04", "Verder", İtaliyada "Roma", "Fiorentina", "İnter", "Milan", İspaniyada "Vilyarreal", "Malaqa", Fransada "Monako", "Bordo" kimi komandalar onlara çata bilməyib.
Ronaldo və Messi Türkiyə Super Liqasının lideri "Beşiktaş"ı və üçüncü pillədəki "Fənərbaхça"nı da geridə qoyub - 51 qol. İkinci pillədəki "Qalatasaray" 54 qolla Ronaldoya çatsa da, Messini qabaqlayıb. Türkiyədən yalnız "Bursaspor" hər iki futbolçunu geridə qoyub - 59 qol.
Qeyd edək ki, Ronaldo 4 qolla La Liqanın bombardirlər yarışına başçılıq edir (Messi La Liqada 40 qol vurub). Messi isə 10 qolla Çempionlar Liqasının bombardiridi (Ronaldo Çempionlar Liqasında 9 dəfə fərqlənib).
Ölkə.Az
