Millət vəkilləri “Heydər Zirvəsi”nə yürüş etdi

Ümummilli Lider Heydər Əliyevin anadan olmasının 92-ci ildönümü münasibəti ilə Azərbaycan Hava və Ekstremal İdman Növləri Federasiyasının təşkilatçılığı ilə millət vəkilləri Fuad Muradov, Əli Hüseynli və Ülvi Quliyev “Heydər Zirvəsi”nə (3752 m) yürüş ediblər.

Bu barədə Millər vəkili Fuad Muradov öz “Facebook” səhifəsində yazıb. ““Heydər Zirvəsi”nə yürüş etdik. Ümummilli Lider Heydər Əliyevin doğum günü münasibətilə onun adını daşıyan zirvəyə qalxmaqla Ulu öndərin xatirəsini andıq. Məhz Ulu öndərin əsasını qoyduğu və Prezident İlham Əliyevin davam etdirdiyi siyasət nəticəsində Azərbaycan dünyada hər gün yeni zirvələri fəth edir. İnanıram ki, bu fəthlərin daha bir zirvəsi Qarabağın işğaldan azad edilməsi olacaq” deyə millət vəkili statusunda bildirib. Qeyd edək ki, Fuad Muradov yürüş zamanı çəkilmiş fotoları da paylaşıb. Fotoları təqdim edirik.

İntiqam VALEHOĞLU

Ölkə.Az