Haqqında "Fəryad" filmi çəkilən komandirimiz evində ölü tapıldı
Qarabağ qazisi Mehman Hüseynov bu gün evində ürək çatışmazlığından dünyasını dəyişib.
Ölkə.Az Atv.az-a istinadən bildirir ki, Mehman Milli Ordumuzun ilk h/h- Şıx batalyonun ilk könüllülərindən və batalyonda tağım komandiri olmuşdu.
1991-ci ilin dekabrında Kərkicahanda Mehmanın tağımı düşmənlə qeyri-bərabər döyüşdə sonacan müqavimət göstərmiş, sursatları bitmiş, əsgərlərimizin çoxu həlak olmuş, Mehman yaralı vəziyətdə əsir düşmüşdü.
Sonralar "Fəryad" filmində baş qəhramanın prototipi olmuşdu.
FaktXəbər-in məlumatına görə, Mehman Bakının Bakıxanov qəsəbəsində tənha həyat sürürdü. Facebook-da son paylaşımı 7 saat əvvəl olmuşdu.
Dostunun sözlərinə görə, telefona cavab vermədiyi üçün narahat olub: "Polislə gəldik, qapını sındırıb, evə keçdik və Mehmanı keçinmiş halda gördük...".
Ölkə.Az