Ekspert: "Hərbiçilər siyasətçilərin qurbanı olacaq"

NATO-nun Brüsseldəki mənzil-qərargahından 45 rus diplomatını qovulacağı gözlənilir.

NATO rəhbərliyi rus diplomatları casusluqda ittiham edir.

Alyansın rəsmi saytında yayılan bu xəbəri Ölkə.az-a hərbi ekspert Üzeyir Cəfərov şərh edib.

Üzeyir Cəfərov: "Rusiya rəhbərliyinin atdığı ağılsız addımlar bütün sahələrdə özünü göstərməkdədir. Rusiya bu baş verənlərdən ağıllı nəticə çıxarmalı idi. Ukrayna ilə bağlı atdığı addımlara görə Rusiyaya təzyiqlər daha da artacaq. Siyasətçilər mövqe bildirirlər, hərbiçilər də bu məsələlərdən kənar qalmırlar. Rusiya özünü faktiki olaraq "Varşava müqaviləsi"nin varisi kimi aparır. "Varşava müqaviləsi" ilə NATO arasında hər zaman gərginliklər olub.

Yüksək rütbəli hərbiçilər siyasətçilərin qurbanı olacaq. Hərbiçilərə müxtəlif adlar verib, cəsus adı ilə uzaqlaşdıracaqlar. Əslində isə həmin hərbiçilər cəsus deyillər, sadəcə onları NATO-dan etiraz əlaməti olaraq uzaqlaşdırılacaqlar.

Çox acınacaqlı haldır ki, siyasətçilər mübarizə aparır, zərbə hərbiçilərə dəyir. Düzdür o zabitlərin hamısı ideal deyil, bəlkə də elələri var ki, onlar müxtəlif məlumatlar toplayırlar, həm NATO orduları ilə, həm də siyasilərlə bağlı. Bir müddət sonra Rusiya ilə NATO arasında münasibətlər daha da gərginləşəcək. Bunun da daha çox günahı Rusiyada olacaq".

Səxavət Məmməd
Ölkə.az