Bu kompüterin çəkisi 42 qramdır
42 qramlıq mini kompüter istehsal olunub.
Ölkə.Az xəbər verir ki, yaxın zamanlarda texnologiya bazarının mini kompüterlərlə zəbt ediləcəyi gözlənilir.
"Quadro" şirkəti texniki xüsusiyyətləriylə masaüstü və dizüstü kompüterləri geridə qoyacaq, çaxmaq ölçüsündə olan, 42 qram ağırlığında "Mini Stick PC" çıxarıb. Üzərində 22 nanometr 4 nüvəli Intel prosessoru, 2GB DDR3L-1333 RAM və 32 GB SSD diski olan mini kompüteri istifadə etmək üçün HDMI əlaqəsi yetərlidir.
Cihazın diskini SD kart ilə 64 GB-a qədər artırmaq mümkündür. Cihazda ayrıca 2 ədəd USB girişi də var. Windows 8.1 və Android əməliyyat sistemlərini dəstəkləyən "Quadro Mini Stick"i eyni anda cüt sistemlə də istifadə etmək olar. Mini kompüterin qiyməti isə 199 dollar təşkil edir.
Ölkə.Az
