"Sizin gözəlliyiniz bizim peşəmizdir!"

Op. Dr. Günel Bayramlı: “Həkimin vəzifəsi insanlara fayda verməkdi. Vəzifəmizi unutmamalıyıq!”

Plastik və Estetik cərrah Op. Dr. Günel Bayramlı Azərbaycan Tibb Universitetini bitirib. M.A. Topçubaşov adına Elmi Cərrahiyyə Mərkəzində Cərrahiyyə ixtisası üzrə internatura kursu keçib. Daha sonra, Türkiyə Cümhuriyyəti Ankara Qazi Universiteti Tibb Fakultəsinin Plastik, Estetik və Rekonstruktiv cərrahiyyə kafedrasında plastik cərrah olaraq çalışıb. Həm Türkiyədə, həm də Azərbaycanda yüzlərlə əməliyyatları uğurla reallaşdırıb.

Op. Dr. Günel Bayramlı Türk Plastik Rekonstrüktif ve Estetik Cerrahi Derneğinin ulusal qurultaylarının daimi iştirakçısıdır. Həmçinin, Bakıda keçirilən “III Azərbaycan Plastik Cərrahiyə Günləri və İSAPS kursu” kimi beynəlxalq və yerli seminar-tədbirlərin iştirakçısı olub. Hazırda, Azərbaycanda Plastik və Estetik cərrah olaraq əməliyyatlarını davam etdirir.

- Həkimlik peşəsinə bağlılığınızın səbəbləri nələrdən ibarətdir?

- Həkimlik peşəsinə bağlılığımın səbəbi insanlara yaxşılıq etmək istəyidir. Həkimlik yaxşılıq etməyin bir formasıdı. Həmişə ilk məqsədim yardım etmək olub. Həkimlik peşəsi əslində bir vasitədi. Əsl məqsədim insanlara faydamın toxunmasıdır. Bir insana verə biləcəyin ən gözəl fayda isə onun sağlamlığını qaytarmaqdı. Həkimlik ruhani peşədir. Nə yaxşıki həkiməm.

- Gənc olmağınız sizin iş fəaliyyətinizə necə təsir göstərir?

- Cəmiyyətimizdə gənc insana etibar azdı. Yəni, gənc insanın təcrübəsi daha azdı deyirlər. Amma bu işdə keçdiyin məktəb çox önəmlidi. Əgər gördüyün işi doğru əldən öyrənibsənsə səhfin olmur. Təbiiki, səhfsiz insan olmur. Professorun belə səhfi ola bilər. Vacib olan odur ki, gördüyün işi sıfirdan başlayıb, illərini sərf edib, tək başına yiyələnməkdənsə, artıq illərdi formalaşmış məktəbdən, doğru ustadın əlindən öyrənirsən. Gənc olmağıma baxmayaraq çox güclü müəllimlərim olub. Məktəb keçmişəm deyə, həm pasientə düzgün yanaşıram, həm işimə. Bunuda insanlar istər istəməz hiss edirlər. Gənc olmağım iş fəaliyyətimə heç vaxt mənfi təsir etməyib.

- Plastik əməliyyata tələbatın artmasının səbəbi nədir?

- Günümüzdə, qadının cəmiyyətdə rolu artıb. Artıq qadınlarımız evdən çox cəmiyyət içərisində olur. Buna görə də baxımlı və gözəl görsənmək istəyirlər. Əvvəllər, daha çox gündəmdə olan sənət adamları plastik əməliyyatlar edirdisə, hazırda sadə insanlar arasındada bu əməliyyatlara baş vuranlar çoxdu. Çünki gözəl və baxımlı olmaq diqqət mərkəzində olmaq deməkdi. Asan münasibət qura bilməkdi. Təkcə qadınlar yox, kişilərdə plastik və estetik əməliyyatlara müraciətlər edirlər. İyirmi birinci əsrdə yaşayırıq. Modernləşmə prosesi hər iki cinsin nümayəndəsinə təsirini göstərir.

- Xəstə ilə cərrah arasında olan münasibətlər hansı formada olmalıdır?

- Xəstə ilə cərrah arasındakı münasibət inam üzərində qurulmalıdı. İnam olan yerdə səbr var. Cərrahi əməliyyatın nəticəsi dərhal sonra görsənmir, nəticənin formalaşması aylar alır, bəzən il. Əməliyyatın nəticəsini gözləmək üçün səbr lazımdı, səbr isə inamnan qaynaqlanır. Burda bir məqamda var, bəli xəstə həkimə inanmalıdı, amma kor-koranə deyil. Bütün suallarını verməlidi və mütləq bütün suallarının cavabını almalıdı. Əməliyyata gedərkən beynində sual qalmamalıdı.

- İnsanlarda “qorxu” stereotipləri var...

- Estetik də olsa bu əməliyyatdı. Qorxu hissi təbiidi və olmalıdı. Olmağı yaxşıdı əslində, onda əməliyyata oyun kimi baxmırlar və həkimin verdiyi məsləhətlərə birəbir əməl edirlər.

- Hər kəsi əməliyyat etmək şərtdirmi?

- Hər kəsi əməliyyat etmək olmaz. Əməliyyat göstərişini həkim müəyyənləşdirir, pasient yox. Bəzən olur amma pasient gəlirki mənə bu əməliyyatı edəcəksiz. Belə pasientlərdə var və onlara uyan cərrahlarda var. Təbiiki, bu doğru deyil. Belə olan halda ağırlaşmalarda artır. Problemlərdə çoxalır. İşin faydalılığı itir. Həkimin vəzifəsi insanlara fayda verməkdi. Vəzifəmizi unutmamalıyıq!

- Həkim ilk növbədə, özündə hansı keyfiyyətləri müəyyən etməlidir?

- Bunun cavabı əslində sadədir. Səbrli və gülərüz olmalıdı. Daim öz üzərində çalışmalıdıк.

- Plastik cərrahiyə sahəsində hansı yenilikləri etmək istəyirsiz?

- Son bir ildə Azərbaycanda Bariatrik əməliyyatlar populyarlaşıb. Bu nədir? Cox kilolu insanların mədəsinin bir qismi əməliyyat ilə alınaraq mədə kiçildilir və nəticədə pasient arıqlamağa başlayır. Amma bundan sonra pasientin başqa estetik problemləri başlayır: sallaq və bollaşmış dəri. İnkişaf etmiş ölkələrdə bu məqamda ortaya Bariatrik əməliyyat sonrası plastik və estetik cərrahiyyə girir. Mən bu sahəni Azərbaycanda inkişaf etdirmək istəyirəm. Artıq Azərbaycanda ilk xəstəni əməliyyat etmişəm və çox gözəl nəticəmiz var. Bu yaxınlarda ikinci xəstəni əməliyyat edəcəyik. Bununlada, bu sahənin təməli vətənimizdədə qoyulmuş olur. Düzdü, bu yöndə işlərimiz hələ çoxdu.

- Qadının gözəlliyi və incəliyi haqqında fikirləriniz?

- Qadın kəlməsi özü artıq incəlik, gözəllik deməkdir. Qadın hər yaşda gözəl olmalıdı. Həm əks cinsin nümayəndəsinə görə, ilk öncə özünə görə. Qadın gözəl olanda onun öz güvəni artır. Qadın yaradıcıdır. O gözəl olanda yaradıcılığı və faydalılığı artır. Günümüzdə plastik və estetik cərrahiyyə çox inkişaf edib. Artıq hər yaşda gözəl görsənmək olar. Bu işin sirri ondadır ki, sizin daima konsultasiya edə biləcəyiniz plastik cərrahınız olmalıdır. Necəki, saç ustanız var, necəki diş həkiminiz var, eləcədə gözəl qalmaq istəyirsinizsə sizə həmişə plastik cərrahın konsultasiyası lazımdı. Biz gözəl qalmağın sirrini və yolunu bilirik. Sizin gözəlliyiniz bizim peşəmizdir!

- Kompleksləri olan insanlara tövsiyəniz?

- Komplekslər insanı depresiyaya salır, öz güvənini azaldır, insanlardan uzaqlaşdırır, inkişaf etməsinə mane olur. Komplekslərdən mütləq azad olmalıyıq. Bu əməliyyat bahasına olsada.

Ölkə.az