Alimlər stressə qalib gəlmək üçün bunu tövsiyə edir

Alimlər sübut edib ki, yoqa stressə qalib gəlməyə kömək edir.

Ölkə.Az xəbər verir ki, alimlərin "The Journal of Occupational and Environmental Medicine"da nəşr olunan elmi məqalələrinə görə, yoqa və meditasiya orqanizmin stressi daha taz keçirməsinə səbəb olur.

Tədqiqatda iri tibb mərkəzinin cərrahiyə şöbəsində işləyən insanlar iştirak edib. Təcrübənin başlamasına qədər onlardan iş zamanı keçirdikləri stressin səviyyəsini 10 ballıq sistemlə müəyyən etmək tələb olunub. Ortalama nəticə 7,5 olaraq məlum olub. Bundan əlavə, alimlər təcrübəçilərin tüpürcəyi vasitəsilə orqanizmin stressə məruz qaldığını bildirən alfa-milaza fermentinin də səviyyəsini ölçüblər.

8 həftə ərzində tibb mərkəzinin əməkdaşları mütəxəssislərin rəhbərliyi altında yoqa, tənəffüs hərəkətləri və meditasiya ilə məşğul olublar. Təcrübənin sonunda 7,5 ballıq gösrtərici dəyişməsə də, alfa milazanın qatılığı 40% aşağı düşüb.

İşin müəlliflərinin sözlərinə görə, bu məlumat yoqa və meditasiyanın stressə qarşı mübarizədə müsbət təsir etdiyini sübut edir.

Ölkə.Az