"Maşın" realiti-şoudan bu dəfə kim çıxdı?

Dünən bir gündə 3 iştirakçısını itirən "Maşın" realiti-şousu bu gün daha bir nəfəri yola saldı.

Bu gün müğənni Roza Zərgərli və stilist Anar Atakişiyev arasında mübarizə gedib.

Bu gün iştirakçılar Roza Zərgərlinin şəklini atıblar. "Maşın"da yaşanan gərgin anlardan sonra əməkdar artist, veerilişin aparıcısı Murad Dadaşov səs faizlərini açıqlayıb. Roza Zərgərli səs toplaya bilməyərək şoudan kənarlaşmalı olub. Belə ki, tamaşaçıların 77,53 faizi Roza Zərgərlinin getməsinə səs verib.

Qeyd edək ki, Anarla Roza arasında münaqişə dünən gecədən başlamışdı. Efirə verilən kadrlarda ikili arasında söz davasının şahidi olduq.

Kadrlar efirə getdikdən sonra qalmaqal canlı yayımda davam etdi. Anar Rozanı ikiüzlülükdə ittiham etdi: "Roza kamera qarşısında tamam başqa insandı. Kamera söndükdə və yandıqda fərqli insanlar olur".

Roza Zərgərli səs toplaya bilsə, Anarı yola salacağını açıqlamışdı. (Ans)

Ölkə.Az