Nəsimi - milyonlarla büdcə pullarının "buxarlandığı" rayon

Bu materialımızda paytaxtımızın ən mərkəzi rayonlarından birində baş verənlərlə ictimaiyyəti tanış edəcəyik.

Söhbət Bakının ən mərkəzi, ən böyük və ən varlı rayonu olan Nəsimi rayonundan gedir.

Rayon əksər dövlət idarələrinin, böyük şirkətlərin, bankların və ən bahalı yaşayış, əyləncə, istirahət və ticarət komplekslərinin yerləşdiyi rayondur. Həm yaşayış, həm də boş torpaq sahəsinin qiymətinə görə Nəsimi rayonu şəhərin ən bahalı rayonu, dünya meqapolislərindən Nyu-Yorkun Manhetten, Moskvanın Arbat, İstanbulun Taksim rayonları ilə yarışa girə biləcək bir rayondur. Bu rayonda dövr edən pulun həcminin illik milyardlarla manat olduğu düşünülür. Əgər bu rayonda yerləşən bir mənzilin və ya ticarət obyektinin alqı-satqı dəyərinin milyonlarla manat olduğunu nəzərə alsaq, onda əhalisinin 400 min nəfərdən çox olduğu Nəsimidə hansı pulların dövr etdiyini təsəvvür etmək o qədər də çətin olmaz.

Monitorinq qrupumuzun bugünkü araşdırmasında Nəsimi rayonu ərazisində gedən abadlıq, asfalt örtüyün yenilənməsi, səki tikintisi və küçənin ətrafındakı evlərin və obyektlərin paytaxtımızın baş arxitekturasına uyğun düzəldilməsinə ayrılan pulların necə xərcləndiyindən danışacağıq. Hər kvartaldan bir dövlət və şəhər büdcələrindən, prezidentin ehtiyat fondundan, o cümlədən Heydər Əliyev fondundan ayrılan milyonlarla manat vəsait şəhərimizin abadlaşdırılması və gözəlləşdirilməsinə yönəldilir. Şəhərin ən mərkəzi rayonu kimi, xarici turustlərin və əcnəbi qonaqların qaldığı lüks otellərin də ərazisində yerləşdiyi Nəsimi rayonu büdcədən aən çox pul alan rayondur. Rayonin abadlaşdırılmasına ayrılan pulun məbləği haqda dəqiq məlumat əldə edə bilməsək də, təxmini və müqayisəli rəqəmlərlə oxucularımızda bu haqda təsəvvür yaratmağa çalışacağıq. Kənd rayonlarına hər birinə hər il ayrılan vəsaitin orta hesabla 10-15 milyon manat olduğunu nəzərə alsaq, Bakı rayonlarına, xüsusən də "şəhərin gözü" sayılan Nəsimi rayonuna ayrılan vəsaitin 100 150 milyon manat olduğu təxmin edilir. Yəni, ən az kənd rayonlarına ayrılan vəsaitdən 10 dəfə çox. Ayrılan vəsaitlərə, xərclənən pullara baxmayaraq Nəsimin rayonun 28 may küçəsi (bu şəhərin ən mərkəzi küçəsidir) və ona paralel olan bütün küçələr, Səməd Vurğun və ona paralel olan bütün küçələrdə kanalizasiya xəttindən yayılan üfunət qoxusundan burnunu tutmadan küçələrdə addımlamaq mümkün deyil. Küçələrdə dağılmış su xəttləri və tutulmuş kanalizasiya qapaqlarına hər addımda rast gəlmək olar. Yerli sakinlərin dediyinə görə burada asfaltın ömrü uzağı 10 gündür, çünki bir həftə 10 gün sonra yeni salınmış asfalt örtüyün altında ya su borusu partlayır, ya da gəlib özləri qazıb nəyisə təmir edirlər. Bu isə hər il dövlər büdcəsinə milyonlarla manata ziyana başa gəlir.

Araşdırmalarımız zamanı rast gəldiyimiz başqa maraqlı fakt isə, təmir olunan küçələrdəki obyektlərdən icra hakimiyyətinin rüşvət yığmasıdır. Danışdırdığımız bir neçə obyekt sahibi hər dəfə nəyinsə təmir olunduğu zaman icra hakimiyyəti işçilərinin obyektlərdən pul yığdığını dedilər. Hər təmir zamanı zamanı icra nümayəndələri hər obyektdən 500-1000 manat arası pul yığırlar. Qeyd edək ki, bu obyektlərdə işləyənlərin demək olar ki, hamısı işlədiyi yeri icarəyə götürmüş şəxslərdir... (Ardı var)

Mövzunu davam etdirəcəyik

Ölkə.az, Monitorinq şöbəsi