Estoniya vətəndaşları İŞİD-ə qoşulub

Bu dəfə Estoniyada.

Ölkə.Az "Rosbalt" agentliyinə istinadla xəbər verir ki, Estoniya təhlükəsizlik polisi Suriya ərazisində İŞİD-ə dəstək verməkdə şübhəli bilinən iki nəfərin saxlanıldığını bəyan edib.

Bildirilir ki, onlardan biri boks üzrə keçmiş çempion 30 yaşlı Roman Manko, digəri isə 24 yaşlı tələbə Ramil Xəlilovdur. İddiaya əsasən, onlar Suriyada terrorçu qruplaşmalarda döyüşən bir nəfərə maliyyə yardımı göstəriblər.

Bir müddət öncə Misirdə ərəb dili öyrənmək üçün gedən, lakin sonradan İŞİD-ə qoşulan 31 yaşlı Tallin sakini İvan Sazanakov barədə məlumatlar yayılmışdı. "Eesti Ekspress" qəzeti yazıb ki, saxlanılan şəxslərin Sazanakova 4 min avro ötürdüyü istisna olunmur.

Rəşid Mustafazadə

Ölkə.Az