SOCAR təkzib etdi: "Heç bir sex işini dayandırmayıb"

"Azərneftyağ" neft emalı zavodunun (NEZ) heç bir sexi işini dayandırmayıb.

Bunu jurnalistlərə SOCAR-ın emal üzrə vitse-prezidenti David Məmmədov deyib.

Onun sözlərinə əsasən, zavodda bəzi sexlərin işini dayandırması barədə məlumatlar həqiqəti əks etdirmir: "Bu il yanvarın 1-dən Bakının iki NEZ-i birləşdirilib. Lakin onların hər biri fəaliyyət göstərir, çünki fiziki birləşmə sexlərdən birinin işini dayandırması anlamına gəlmir".

D.Məmmədov qeyd edib ki, yenidənqurmadan sonra NEZ yeni məhsul istehsal edəcək: "Yeni məhsul deyəndə, 95 markalı benzini nəzərdə tuturuqsa, bəli, onun istehsalına başlanılacaq".

Ölkə.Az