Politoloq: "Belə bir əməiyyatların keçiriləcəyi gözlənilən idi"

"Bu gün dövlət başçısının hansısa təhdidlərdən çəkinəcəyini gözləmirəm"

Bir neçə gündür ölkəni iş admlarının həbs dalğası bürüyüb.

Ən son "Avesta" şirkətlər qrupunun sahibi Hacı İbrahim Nehrəmlinin hüquq-mühafizə orqanları tərəfindən saxlanılması barədə xəbərlər yayıldı.

Baş verən bu hadisələri ekspert qismində politoloq Ərəstun Oruclu Ölkə.Az-a şərh edib.

Ərəstun Oruclu: "Bu həbslərin olacağı barədə 7-8 gün bundan öncə yazmışdım. Konkret olaraq mayın 4-də. Yazıda bildirmişdim ki, növbə oliqarxlara çatıb. Bu da təbiidir, ona görə ki, yaranmış iqtisadi böhranda ölkənin daxili iqtisadiyyatının, ilk növbədə onun qeyri-neft sektorunun inkişaf eləməməsində bu günkü oliqarxiyanın müstəsna destruktiv rolu olub. Azərbaycanda artıq oliqarxiya dövlət içərisində dövlətə çevrilmişdi. Böhran yarandığı dövrdə həmin oliqarxiya dövlət üçün ciddi təhlükə mənbəyi olmağa başlayır. Ona görə də belə bir əməiyyatların keçiriləcəyi gözlənilən idi".

- İş adamlarının həbsinin yeni dalğası gözlənilir?

- O baxır nəticələrə. Təhdidlər yaranmasa ola bilər ki, həbslər dalğası bu mərhələdə dayansın. Təhdidlər davam etsə, həbslər də davam edəcək. Bu gün dövlət başçısının hansısa təhdidlərdən çəkinəcəyini gözləmirəm.

Səxavət Məmməd
Ölkə.az