“Qafqazinfo”nun rəhbəri BDU-da mühazirə dedi

“Qafqazinfo”nun baş direktoru Elbrus Ərud Bakı Dövlət Universitetinin Jurnalistika fakültəsinin 4-cu kurs tələbələrinə mühazirə-açıq dərs keçib

Beynəlxalq jurnalistika kafedrasının müəllimi Pərvanə İbrahimovanın “Sosial media” fənni üzrə tədris etdiyi dərsdə qonaq olan Elbrus Ərud jurnalistikaya gəlişindən, əməkdaşlıq etdiyi mətbuat orqanlarındakı iş təcrübəsindən bəhs edib. Qafqazinfo.az saytının yaradıcısı kimi fəaliyyətindən danışan baş direktora görə, xəbərə heyrətlə yanaşmağı bacaran və güzəşt etməyən insan jurnalist ola bilər: “Xəbər heyrət hissindən doğulur və güzəşt edildiyi zaman ölür”. 

Tələbələrin fikir və təkliflərini dinləyən Elbrus Ərud onları maraqlandıran çoxsaylı suallara cavab verib. 

Sonda dəvəti qəbul etdiyinə görə baş direktora təşəkkür edən Beynəlxalq jurnalistika kafedrasının müdiri, professor Həmid Vəliyev görüşün tələbələrdə böyük maraq doğurduğunu diqqətə çatdırıb. 

Görüş fakültənin İnternet Mərkəzi ilə tanışlıqdan sonra başa çatıb./Qafqazinfo/

Ölkə.Az