Xarici valyutada olan əmanətlərin miqdarı artıb

2015-ci ilin aprelin1-nə bütün bank əmanətlərinin 92,3%-i Bakı sakinlərininin payına (7 milyard 184 milyon 492,8 min manat) düşüb.

Bu barədə Ölkə.Az-a Mərkəzi Bankdan məlumat verilib.

Bankdan verilən məlumata görə, Abşeron iqtisadi rayonu üzrə əmanətlər 194 milyon 528,4 min manat, Aran iqtisadi rayonu üzrə 94 milyon 116,8 min, Dağlıq Şirvan iqtisadi rayonu üzrə 13 milyon 209 min manat təşkil edib.

Bundan başqa, Gəncə-Qazax iqtisadi rayonu üzrə 135 min 456,9 Quba-Xaçmaz iqtisadi rayonu üzrə 40 milyon 660,7, Lənkəran iqtisadi rayonu üzrə 38 milyon 269,6 min, Şəki-Zaqatala 39369,8, Yuxarı-Qarabağ 15 milyon 482,2 min, Kəlbəcər-Laçın 2 milyon 261,0 min, Naxçıvan iqtisadi rayonunu 23 milyon 798,2 min manat olub.

Müvafiq dövrdə, banklarda xarici valyuta ilə qoyulan əmanətlərin miqdarı çoxluq təşkil edib.

Belə ki, 4 milyard 840 milyon 292,7 min manat əmanət xarici valyutada qoyulub. Milli valyuta ilə əmanətlərin payına 2 milyard 344 milyon 200,1 min manat düşüb. Xarici valyutada orta faiz dərəcəsi 9,6, milli valyutada isə 9.7% olub.

Qeyd edək ki, fevralın 1-nə olan məlumata görə, xarici valyutada olan əmanətlərin miqdarı 2 milyard 507 milyon 397,9 min, milli valyutada isə 3 milyard 383 milyon 846,8 min manat olub.

Beləliklə, 2015-ci ilin aprelin 1-nin fevralın 1-ilə müqayisəsində milli valyutada olan əmanətlərin həcmi 30,7% azalıb.

Ölkə.Az