Yaponiya yeni müharibəyə qoşulur?

Nazirdən yeni qanunlarla bağlı açıqlama.

Ölkə.Az xarici mətbuata istinadən xəbər verir ki, Yaponiyanın baş naziri Sindzo Abe Yaponiyanın müharibəyə qoşulma ehtimalının tamamilə olmadığını bəyan edib.

O bildirib ki, hökumətin müdafiə haqqında qanun layihəsi paketinin təsdiqindən sonra ölkənin müharibəyə qoşulması istisnadır. Yeni qanun layihəsi çərçivəsində Yaponiya özünümüdafiə qüvvələrinin istifadə olunmasına olan qadağanı aradan qaldırıb. Bu, həm də ölkə xaricinə də aiddir.

Nazir qeyd edib ki, Yaponiya vətəndaşlarının müdafiəsinin təmin etmək üçün özünümüdafiənin səlahiyyətlərini artırmaq lazımdır. Onun sözlərinə görə, ölkə istənilən münaqişələrin sülh yolu ilə həllinin tərəfdarıdır.

Abe Yaponiyanın İŞİD-ə qarşı mübarizə aparan koalisiya qüvvələrinə maddi-texniki dəstək verməyəcəyini əlavə edib.

Rəşid Mustafazadə

Ölkə.Az