Şahzadəyə qarşı sui-qəsd planı

İrlandiyanın Litrim qraflığında 6 nəfər saxlanılıb. Onlar Britaniya şahzadəsi Çarlza sui-qəsd planının hazırlanmasında şübhəli sayılırlar. 

Saxlanılan şəxslərdə partlayıcı maddələr və silah aşkar edilib. 

"The Daily Mirror" yazır ki, şübhəlilər mayın 19-22-də Çarlz və onun həyat yoldaşı Kamillaya səfər zamanı sui-qəsd edəcəklərmiş. Onların partlayıcı maddələri Laut və Ueksford qraflıqlarında, həmçinin Dublindəki gizli yerlərdə saxladıqları ehtimal edilir. Bu səbəbdən polis 20 müxtəlif məntəqədə axtarışlar aparıb. 

Yerli polisin verdiyi məlumata görə, saxlanılan şəxslər İrlandiya Respublika Ordusu (İRA) qruplaşması ilə əlaqədə şübhəli bilinirlər. (report)

Ölkə.Az