3,3 milyard insan bu brauzerdən istifadə edirxa0
“Atlas VPN” xidmətinin tərtibatçıları brauzerlərin populyarlıq reytinqini tərtib ediblər.
"Ölkə.az" xarici KİV-ə istinadən xəbər verir ki,, “Google Chrome” brauzeri lider olaraq qalır: planet əhalisinin təxminən yarısı ondan istifadə edir.
“Atlas VPN” xidmətinin məlumatına əsasən, 2021-ci ilin aprelinədək dünyada təxminən 3,3 milyard nəfər “Google Chrome” brauzerindən istifadə edib. Bu, planet əhalisinin təxminən 42%-dir. Auditoriyası 945 milyon olan “Apple” şirkətinin “Safari” brauzeri ikinci yeri tutur.
181 milyon istifadəçi bazasına malik olan “Firefox” brauzeri üçüncü yerdə qərarlaşıb. Növbəti yerləri “Edge” (171 milyon) və “Samsung Internet” (167 milyon) brauzerləri bölüşdürürlər. 112 milyon istifadəçisi olan “Opera” brauzeri reytinqdə sonuncu yeri tutub.
