Ekspert: "NATO Ukrayna məsələsində Rusiyaya güzəştə getməyəcək"

NATO-nun xarici işlər nazirlərinin Türkiyədə sammiti keçirilib.

Sammitdə qərara alınıb ki, alyansın Rusiya ilə əməkdaşlığı bərpa edilməsin. Rusiyanın Ukraynaya qarşı yürütdüyü siyasətə son verməyəcəyi təqdirdə Moskva ilə NATO-nun əməkdaşlığının bərpa edilməyəcəyi bildirilib.

Xatırladırıq ki, kleçən həftə Rusiyanın NATO-dakı nümayəndəliyində çalışan 45 diplomat və məmur casusluqda şübhəli bilinərək Bekçikadan deportasiya edilmişdilər.

NATO ölkələrinin xarici işlər nazirlərinin aldığı bu qərarı hərbi ekspert Üzeyir Cəfərov Ölkə.az-a şərh edib.

Üzeyir Cəfərov: "Rusiya Ukrayna ilə bağlı vəziyyəti düzəltməsə, rəsmi Moskva üçün çox çətin olacaq. Türkiyədə NATO-ya üzv olan ölkələrin xarici işlər nazirlərinin görüşü, NATO-nun baş katibi Stoltenberqin çıxışı onu deməyə əsas verir ki, onlar bu məsələdə yalnız Rusiyanın yumşalmasını hiss etdikdən sonra müəyyən güzəştlər edə bilərlər.

Görünən odur ki, Rusiya Ukrayna məsələsində öz mövqeyində əl çəkmir və separatçı "Donetsk xalq respubilkası" və "Luqansk xalq respubilkflarını" dəstyəkləyir. Buradan belə başa düşülür ki, bu xəmir hələ çox su aparacaq.

Rusiyanın Ukrayna ilə bağlı apardığı siyasət rəsmi Moskvanı çox çətin durumda qoyacaq. Orda səslənən bəyanatlardan belə anlamaq olar ki, ola bilsin yaxın zamanlarda Rusiyaya qarşı yeni sanksiyalar tətbiq olunsun. Əgər yeni sanksiyalar tətbiq olunsa, Rusiya iqtisadiyyatı daha da çətin vəziyytə düşəcək".

Səxavət Məmməd
Ölkə.az