Bakıda partlayan marketin işçisi danışdı

Biləcəri qəsəbəsində partlayış olub. 16 mərtəbəli yeni inşa olunmuş binanin 1-ci mərtəbəsində şirniyyat sexində qeydə alınan bu hadisə zamanı bir nəfər ölüb, 6 nəfər isə yaralanıb. İlkin ehtimallara görə, partlayış qaz sızmasından baş verib.

Axşam saatlarında paytaxtın Binəqədi rayonu, Biləcəri qəsəbəsində hündürmərtəbəli binanın birinci mərtəbəsində yerləşən mağazada partlayış baş verib. Partlayış marketin şirniyyat bölümündə qeydə alınıb. Hadisə yerinə dərhal yanğınsöndürənlər və xilasedicilər cəlb olnub. Xilasedicilər uçqun altında qalan 5 nəfəri xilas edə biliblər. Partlayış zamanı həmin ərazidə olan avtomaşınlara ziyan dəyib. Binanın bəzi mənzillərinin şüşələri qırılıb.

Partlayış nəticəsində beton piltələr ətrafa yayılıb və nəticədə 4 avtomobilə ciddi ziyan dəyib. Həmçinin hadisə yerində olan Fövqəladə Hallar Nazirliyinin əməkdaşları sexdə baş verən partlayış nəticəsində dağıntılar altında qalan bir nəfərin meytini çıxarmaq üçün işləri davam etdirirlər. Hazırda əraziyə qaldırıcı kran və xüsusu olaraq ağır texnika cəlb olunub.

Hadisə yerinə fövqəladə hallar nazirini müavini Etirab Mirzəyev, o cümlədən Binəqədi Rayon Polis İdarəsinin rəhbərliyi, Bakı Şəhər Prokurorluğunun nümayəndələri gəliblər.

Marketin işçisi Elvin Mirzəyev deyir ki, partlayış baş verən vaxt yuxulu olub: "Heç nədən xəbər olmayıb - hara partlayıb, onu bildim ki, artıq çöldəyəm".

İlkin məlumata əsasən, dağıntılar altından bir nəfər kişi meyidi artıq aşkar edilərək çıxarılıb. Hazırda həmin şəxsin şəxsiyyəti dəqiqləşdirilir. Hadisənin nəticələrinin aradan qaldırılması istiqamətində işlər davam etdirilir. (ANS TV)

Ölkə.Az