İŞİD buna görə 45 nəfəri edam etdi

İŞİD-in Palmira üzərindəki hücumunu dəf edilib.

Ölkə.Az xarici mediaya istinadən xəbər verir ki, İŞİD terror təşkilarının yaraqlıları Palmira yaxınlığında yerləşən Al-Amiriya qəsəbəsində 45 nəfər dinc suriyalını edam ediblər.

Edam olunan şəxslər Suriya ordusu ilə əlaqədə şübhəli biliniblər. Bu barədə hərbi dairələrdən məlumat yayılıb. Bununla yanaşı Suriya hərbçiləri İŞİD-in Palmira üzərindəki hücumunu dəf edə biliblər.

Qeyd edək ki, bir müddət öncə İŞİD terrorçularının İraqın Ənbar vilayətinin mərkəzi şəhəri Ramadidəki hökumət binalarını ələ keçirdiyi bildirilib. İŞİD-in bəzi binalara bayraqlarını asdığı, polisləri öldürdüyü və qarşıdurmaların davam etdiyi deyilib.

Rəşid Mustafazadə

Ölkə.Az