Azyaşlılar arasında “Azərbaycan Mental Aritmetik-2015” Olimpiadası keçirilib

Uşaqlar arasında keçirilən məntiq oyunlarında azyaşlıların düşünmə çevikliyi, dinləmə bacarığı, eyni zamanda qavrama qabiliyyəti test edilib.

İlk baxışdan olduqca çətin görünən riyazi hesablamaları azyaşlılar bir neçə saniyədən sonra taparaq onları izləyənləri təəccübləndiriblər. Azyaşlıları izləməyə İctimai Televiziya və Radio Yayımları Şirkətinin Səhər Proqramları departamentinin direktoru Rauf Rəcəbov, Azərbaycan-Slavyan Gəncləri Assosiasiyasının sədri Səbuhi Abbasov, İTV-nin sevilən aparıcısı Saleh Bağırov, tanınmış müğənni Rəşad İlyasov, QHT və media nümayəndələri qatılıblar.

Bəs görək TİAMO nədir?

Bu suala 7News.az-a müsahibəsində “Tiamo” şirkətinin Azərbaycandakı təmsilçiliyinin baş şöbəsinin müdiri İradə Xəlilova aydınlıq gətirib. TİAMO riyaziyyat oyunlarından ibarət tədris kursudur. Sistem Azərbaycanda 2012-ci ildən tətbiq edilməyə başlayıb. 2014-cü ildən etibarən isə Rusiya və Qazaxıstanda da bu tədris üsulundan faydalanırlar. Bu dərs sisteminin azyaşlıların beyninin inkişafında böyük rolu olduğu bildirilir. Tiamo Tədris Kursunun Faydaları Tiamo tədris kursu sayəsində uşağınızın beyninin sağ və sol yarımkürələrinin tarazlı inkişafı təmin olunur. Sağ və sol beyin yarımkürələri tarazlı inkişaf edən şəxslər daha qabiliyyətli, problemlərin daha çox həll yollarını tapan şəxslər olurlar. Tiamo tədris kursu sayəsində uşaqlarınızda fikri cəmləmə və diqqət bacarıqları inkişaf edir. Həyatı boyunca verəcəyi imtahanlarda xətaya yol verməz. Tiamo tədris kursu sayəsində riyazi əməliyyatlara hesab maşını sürəti ilə cavab verəcək. Sinifdə suallara sürətlə cavab verəcəyi üçün uşağınızda liderlik xüsusiyyətləri inkişaf edəcək. Ev tapşırıqlarını daha sürətli edəcəyi üçün oyun oynamasına daha çox zamanı qalacaq və beləliklə uşağınız ətrafdakılarla daha çox ünsiyyətdə olacaq və ictimailəşəcək. Qeyd edək ki, Tiamo tədris kursu sayəsində anlama, şərh etmə və analiz bacarıqları inkişaf etdirilir. (7NEWS.Az)

Ölkə.Az