Deputat: “Ərdoğanın Azərbaycandan verəcəyi mesajlar da elə-belə mesajlar olmayacaq”
Türkiyə Prezidenti Rəcəb Tayyib Ərdoğanın Azərbaycana səfəri bölgədə yeni situasiyanın yaranmasına səbəb olacaq.
Bunu “Ölkə.Az”a açıqlamasında millət vəkili Fazil Mustafa deyib.
Onun sözlərinə görə, Türkiyə Prezidentinin Azərbaycandan verəcəyi mesajlar da elə-belə mesajlar olmayacaq.
“Yəni Türkiyənin varlığını müəyyən dərəcədə göstərmək üçün Ərdoğanın səfəri həm də ermənilərə xəbərdarlıq mesajı kimi səslənəcək. Bunu da anlayırlar. Odur ki, bu müqaviləni imzalayan tərəflərlə yanaşı, həm də Türkiyənin mövqeyi önəm daşıyır. Biz hər hansı bir şəkildə Rusiyanın passivlik göstərdiyini, müəyyən dərəcədə ermənipərəst siyasət izlədiyini açıq gördüyümüz halda, Türkiyənin ağırlığının bölgədə artırılmasına üstünlük verəcəyik. Bunu Rusiya da yaxşı bilir” - Fazil Mustafa qeyd edib.
Mürtəza
Ölkə.Az
