Sabiq Pentaqon rəsmisi:UNO-lar ABŞ nüvə obyektlərinə dəfələrlə hücum edib
Uçan naməlum obyektlər (UNO) dəfələrlə ABŞ nüvə texnologiyasına müdaxilə edib.
“Ölkə.az” “Sputnik”ə istinadla xəbər verir ki, bu iddia ilə ABŞ Müdafiə Nazirliyinin (Pentaqon) Qabaqcıl Aviasiya Təhdidlərini Müəyyənləşdirmə Proqramının sabiq rəhbəri Luiz Elizondo çıxış edib.
“Washington Post”a danışan Elizondo bildirib ki, ABŞ-da UNO-ların müdaxilə etdiyi və nüvə obyektlərini sıradan çıxardığı hadisələr baş verib.
Sabiq Pentaqon rəsmisi UNO-ların digər ölkələrdə nüvə təsislərini aktiv hala gətirdiyinə dair məlumatlar olduğunu deyib:
“Bu nöqtədə, nüvə texnologiyamıza bir marağın, hətta müdaxilə etmə potensialının olduğunu göstərmək üçün əlbəttə ki, kifayət qədər məlumat olduğunu düşünürəm”.
Qeyd edək ki, yaxın zamanlarda Pentaqonun Konqresə UNO-larla bağlı sənədlər təqdim edəcəyi gözlənilir.
