Azərbaycanlı qızlar Adnan Oktarın verilişində

“Azərbaycanlılar çox tərbiyəlidir, çox hörmətlidirlər, əxlaqları idealdır”.

Türkiyənin A9 televiziyasında “Adnan Oktarla söhbətlər” proqramının bu dəfəki qonaqları azərbaycanlılar olub.  Azərbaycandan gedən Ramiq Vəliyev, Tural Vəlizadə, Ramil Rüstəmov, Xəyalə Səfərova, Nərmin Kərimzadə, Sahib Süleymanov, Vəfa Kərimzadə, Sevinc Haqverdizadə, Elvin Pirquliyevdə verilişdə iştirak ediblər. 

Adnan Oktar proqrama müasir Azərbaycanın qurucusu Heydər Əliyevdən bəhs edərək başlayıb. Daha sonra Azərbaycandan gəlmiş qonaqlarla tanışlıq olub. Ramiq Vəliyev Azərbaycanda görülən işlərdən, ölkəmizdə gedən inkişafdan, I Avropa Oyunlarından və ümumilikdə Azərbaycan haqqında məlumat verib. 

Daha sonra proqramda Azərbaycan haqqında hazırlanmış qısa sənədli film göstərilib.

Film göstərildikdən sonra Adnan Oktar Azərbaycan prezidenti İlham Əliyevin İslam dini ilə bağlı fikirlərindən bəhs edib və ailəsinin modern olduğu qədər imanlı olduğunu vurğulayaraq onlara dua edilib. O, Azərbaycanda İslam dini ilə bağlı görülən işlər barəsində bu sözləri deyib: “Təbii ki İlham bəy çox ağıllı davrandı, xürafata qapını heç açmadı. Həqiqi İslamın qapısını açdı, xurafatçılığın qapısını bağladı”.

Daha sonra Bakı şəhərinin gözəlliyindən söz açaraq Bakını Qafqazın Parisi adlandırıb. Proqramda eyni zamanda yeni inşa olunan Heydər Məscidi haqqında məlumat verilib.

Adnan Oktar azərbaycanlılar haqqında bu sözləri vurğulayıb: “Azərbaycan xalqı candır, cəsarətlidir, vicdanlıdır. Azərbaycanlılar çox tərbiyəlidir, çox hörmətlidirlər. Əxlaqları idealdır. Heç degenerasiya olub pozulmadılar, çox əsalətli qaldılar”.

Adnan Oktar Azərbaycanın Qarabağla bağlı proqnoz verib: ”Onu geri alacaqsınız (işğal olunmuş torpaqları), mənə güvənin, yaxında onu geri alacaqsınız”.

O, proqramın sonunda Azərbaycan dövlətinin hər Türk övladının dövləti olduğunu vurğulayıb və Azərbaycanın inkişafı üçün dualar edib. (ans)

Ölkə.Az