Fantastik rekord: 176 saniyəyə het-trik
İngiltərə Premyer Liqasının XXXVII turunda "Sauthemton"un "Aston Villa"nı 6:1 hesabı ilə məğlub etdiyi qarşılaşmada ev sahibi komandanın futbolçusu Sadyo Mane etdiyi het-triklə ölkə çempionatı tarixində yeni rekorda imza atıb.
23 yaşlı seneqallı yarımmüdafiəçi 13, 14 və 16-cı dəqiqələrdə fərqlənməklə Premyer Liqa tarixində ən sürətli het-trikin müəllifi olub. Bunun üçün Maneyə cəmi 2 dəqiqə 56 saniyə kifayət edib.
Əvvəlki rekord "Liverpul" sabiq-hücumçusu Robbi Faulerə aid idi – 4 dəqiqə 33 saniyə.
Mane bu mövsüm Premyer Liqada 28 matçda 11 qol vurub, 3 məhsuldar ötürmə ilə yadda qalıb. (musavat)
Ölkə.Az
