Toya hazırlaşan qız faciəvi şəkildə öldü
Ötən gün Siyəzən rayonunda piyadanın vurulması ilə nəticələnən yol-nəqliyyat hadisəsi baş verib.
Ölkə.Az xəbər verir ki, APA-nın şimal bürosunun verdiyi məlumata görə, Siyəzən rayon sakinləri, ana və qızı - Firuzə Əliyeva və Nilufər Əliyevanı yük maşını vurub.
Qəza nəticəsində 21 yaşlı N.Əliyeva dünyasını dəyişib, anası isə müxtəlif bədən xəsarətləri ilə Siyəzən Regional Diaqnostika Mərkəzinə yerləşdirilib.
Onun vəziyyəti orta-ağır qiymətləndirilir.
Dünyasını dəyişən qızın nişanlı olduğu bildirilir.
Faktla bağlı Siyəzən rayon Polis Şöbəsində cinayət işi açılıb, araşdırmalar davam etdirilir.
Ölkə.Az