Nazir: “Təhsil kreditləri qazanc məqsədi daşımır”

“Azərbaycanda orta hesabla 180 minə yaxın, növbəti illərin proqnozunu da nəzərə alaraq 200 minə yaxın ali təhsil alan tələbə varsa (bakalavr/magistr) bunların təxminən yarısına qədəri onsuz da dövlət hesabına təhsil alırdı”. 

"Ölkə.az” xəbər verir ki, bunu Təhsil naziri Emin Əmrullayev deyib. O bildirib ki, bundan əlavə, ali təhsil sahəsində sosial həssas qruplara, şəhid ailələrinin övladlarına və s. dövlət tərəfindən təhsil haqqı ödənilir:

“O cümlədən, məcburi köçkün statusu olan vətəndaşlarımızın təhsil haqqı ödənilir. Bu, yeni bir alətdir ki, həmin qruplara düşməyən şəxslər artıq kreditlərdən faydalana bilər. Bunlar, uzunmüddətli, güzəştli, ucuz, kommersiya məqsədi daşımayan, mənfəət məqsədi güdməyən kreditlərdir”.

Billurə Yunus