Kilsə homoseksualların evliliyinə icazə verdi

FransanınProtestant Kilsəsinin dini nümayəndələri səsvermə zamanı homoseksualların evliliyini təsdiq ediblər. 

97 din adamının qatıldığı səs vermədə, 94 nəfər homoseksual evlilik lehinə, 3 nəfər isə əleyhinə səs verib. Bu qərara uyğun olaraq Protestant Kilsəsindəki din adamları tələb olunduğu təqdirdə homoseksual cütlərin evliliyini qəbul edəcəklər. 

Qeyd edək ki, Fransada iki il əvvəl böyük müzakirələrin ardından homoseksuallara evlənmə və övladlığa götürmə haqqını nəzərdə tutan qanun parlamentdə qəbul edilmişdi.

Sağ partiyalar, qeyri-hökumət təşkilatları və katolik kilsəsi homoseksuallara evlilik haqqı nəzərdə tutan qanuna şiddətlə qarşı çıxmışdı.

Xatırladaq ki, Fransada 1 milyon ətrafında protestant olduğu təxmin edilir. Protestantlar katolik və müsəlmanlardan sonra ölkənin üçüncü böyük inanc qrupunu təşkil edir. (qafqazinfo)

Ölkə.Az