Olimpiya Oyunlarında ilk dəfə transgender iştirak edəcək
Bu il Yeni Zelandiyadan Olimpiya Oyunlarına 2013-cü ilə qədər kişi olan ağır atlet atlet iştirak edəcək.
Ölkə.Az xəbər verir ki, bu barədə CTV News yazır.
43 yaşlı Laurel Hubbard olimpiadalarda iştirak edən ilk transgender idmançı olub. Yeni Zelandiya Olimpiya Komitəsindən verilən açıqlamaya görə, o, 87 kiloqram qadınlar kateqoriyasında mübarizə aparacaq.
"Bir çox Yeni Zelandiyalıların mənə göstərdikləri dəstəyə görə qürurlu və minnətdaram", Hubbard deyib.
Tənqidçilər transseksualların idmana qatılmasına icazə verilməsinin ədalətli olub-olmadığını hələ də müzakirə edirlər. Lakin Beynəlxalq Olimpiya Komitəsi özü bu cür idmançıların iştirakını hələ 2015-ci ildə təsdiqləyib.
