Sevda Abbas Bağırovu gəncəlilərin əliylə "vurdu"

"Lider" telekanalında Zaur Qurbanovun layihə rəhbərliyi, Könül Yusifqızının aparıcılığıyla yayımlanan "Mən gəlirəm" verilişinin növbəti buraxılışında əməkdar artist Abbas Bağırovla müğənni Sevda Yəhyayeva üz-üzə gəliblər.

Ölkə.Az xəbər verir ki, onlar Elçin Hüseynovla iki bölgədən (Gəncə, Masallı) birində konsert vermək uğrunda mübarizə aparıblar. Əslən gəncəli olan Bağırov bu dəfə Masallı təmsilçisi kimi çıxış edib. Gedişatda bir neçə dəfə öndə olan Abbas hətta bir neçə dəqiqə Sevda üzərində böyük üstünlük qazanmağı bacarıb. Ancaq Yəhyayevanın sosial şəbəkədəki dostlarına səslənməsi hər şeyi həll edib. Nəticədə Gəncə Sevdanı 65 faiz səslə qalib edib. Beləliklə, Elçin Hüseynov Sevda Yəhyayeva ilə Masallıda konsert proqramıyla çıxış edəcək.

Qeyd edək ki, "Mən gəlirəm". telelayihəsinin informasiya dəstəkçisi Ölkə.Az saytıdır.

İntiqam VALEHOĞLU

Ölkə.Az