Rusiyalı cəsusluq ittihamı ilə saxlanıldı

Almaniyada araşdırma işi ilə məşğul olan Rusiya vətəndaşı Ilnur Naqayev həbs olunub.
“Ölkə.az” xarici KİV-ə istinadla xəbər verir ki, Naqayev Rusiyaya cəsusluq etməsi ittihami ilə saxlanılıb..
Auqsburq Universitetində elmi və texniki kafedrada elmi işçi olan Rusiya vətəndaşının iş yerinə və evinə basqın edilib.
Almaniya federal prokurorluğu onun ittihamları qəbul etdiyini açıqlayıb.
Prokurorluqdan verilən açıqlamada I.Naqayevin 2020-ci ilin oktyabrından 2021-ci ilin iyun ayınadək 3 dəfə Rusiya xarici kəşfiyyat xidmətinin üzvü ilə görüşdüyü, universitetdəki araşdırmalar haqqında məlumatları pul qarşılığında satdığı qeyd edilib.
Qeyd edək ki, I.Naqayev Almaniyaya getməzdən əvvəl Moskvada mühəndis kimi fəaliyyət göstərib.