Dövlət agentliyi lyukla bağlı problemin "həll"inə münasibət bildirib

Ötən gün sosial şəbəkələrdə Bakının Nizami rayonunun Əli Vəliyev küçəsində kommunikasiya xəttinə aid baxış qapaqlarının asfalt-beton örtükdən aşağı olması və bu problemin həlli ilə bağlı atılmış addım müzakirəyə səbəb olub.

Azərbaycan Avtomobil Yolları Dövlət Agentliyinin mətbuat katibi Anar Nəcəfli "Ölkə.az" a açıqlamasında bildirib ki, sözügedən ərazi onların balansında deyil.

"Fotoları yayılmış ərazi qurumun balansında olmayan məhəllədaxili yoldur və agentlik həmin ərazidə heç bir təmir-tikinti işləri aparmayıb".

A.Nəcəfli qeyd edib ki, sakinlər problemlə bağlı müvafiq icra hakimiyyətinə müraciət etməlidir.

Qeyd edək ki, sözügedən problemi ötən gün "Ölkə.az" işıqlandırmışdı.

Billurə Yunus