Avropa Oyunları-2015 ərəfəsində ən mühüm günlər

Avropa Oyunlarının start öncəsi əsas tarixləri elan edilib.

Ölkə.Az xəbər verir ki, Bakıda keçiriləcək Avropa Oyunları-2015-ə xarici nümayəndələrin gəlməsi iyun ayının 3-dən başlayacaq. Atletlər kəndinin açılışı isə iyunun 8-nə planlaşdırılır. İdmançıların salamlanması mərasimi iyun ayının 11-də saat 18:00-da baş tutacaq.

Məlum olduğu kimi Avropa Oyunlarının açılışı mərasimi iyunun 12-də olacaq. Bu mərasimdə 26 dövlət və hökumət başçısının və 35 idman nazirinin iştirakı planlaşdırılır.

Açılış mərasimindən öncə parad təşkil ediləcək. Atletlər kənddən Olimpiya stadionuna qədər 1,7 km məsafə qət edəcəklər.

Avropa Oyunları çərçivəsində ilk yarışlar iyunun 12-də keçiriləcək. Turnirin sinxron üzgüçülük və vaterpol üzrə iştirakçıları mübarizə aparacaqlar.

Medalların birinci dəsti üçün mübarizə mauntinbaykda iyunun 13-də aparılacaq.

Ölkə.Az