Müsəlmanları təhqir edən filmlə bağlı rəsmi

Məhkəmədən rəsmi qərar.

Ölkə.Az dünya mətbuatına istinadən xəbər verir ki, ABŞ-da məhkəmə qalmaqallı "Müsəlmanların məsumiyyəti" filminin "YouTube" sosial şəbəkəsindən silinməməsi barədə qərar qəbul edib.

San Fransiskonu apellyasiya məhkəməsi "Google" şirkətinin xeyrinə qərara alıb ki, ona məxsus olan "YouTube" videohostinq "Müsəlmanların məsumiyyəti" filmini silməyə bilər.

Bir müddət öncə məhkəmə aktrisa Sindi Li Qarsianın iddiasından sonra filmin hostinqdən silinməsi ilə bağlı qərar qəbul etmişdi. Artistin iddiası filmin yayımından sonra ona ünvanlanan təhdidlərə görə təmin olunmuşdu.

Xatırladaq ki, bu fil etiraz dalğalarının yaranmasına səbəb olmuşdu. Bir sıra müsəlman ölkələrində ABŞ səfirliklərinə hücumlar edilmişdi. Anti-islam filminin müəllifi erotik filmlərin 65 yaşlı rejissoru Alan Roberts idi. Filmin təqdimatından sonra çəkiliş qrupunun üzvləri bəyan edib ki, əsərin müəllifləri onları istifadə edərək əsl niyyətlərindən xəbər verməyiblər.

Onların sözlərinə görə, ingilisdilli səs film üzərində aparılan işlərdən sonra qoyulub və ilk ssenari ilə uzlaşmır.

Rəşid Mustafazadə

Ölkə.Az