Kəmaləddin Heydərov Özbəkistandan qayıdır
Azərbaycanın fövqəladə hallar naziri general-polkovnik Kəmaləddin Heydərovun rəhbərlik etdiyi nazirliyin nümayəndə heyəti Özbəkistana rəsmi səfərini yarımçıq qoyaraq Bakıya qayıdıb. Bu barədə Ölkə.Az FHN-in mətbuat xidmətindən məlumat verilib.
Qeyd edək ki, K.Heydərovun rəhbərlik etdiyi Fövqəladə Hallar Nazirliyinin nümayəndə heyəti 19 may 2015-ci il tarixində Özbəkistanın fövqəladə hallar naziri Tursinxan Xudayberqenovun dəvəti ilə həmin ölkəyə rəsmi səfərə gedib.
Bu gün Bakı şəhəri, Binəqədi rayonu, Azadlıq prospekti, 200/36 ünvanda yerləşən çoxmərtəbəli yaşayış binasında baş vermiş yanğınla əlaqədar nazir rəsmi səfərini yarımçıq qoyaraq Bakıya qayıdıb.
Ölkə.Az
