Bakıda dövlət “penoplas”ları sökməyə başladı

Bu gün Binəqədidə 14 nəfərin ölümünə, 62 nəfərin yaralanmasına səbəb olan yanğın hadisəsindən sonra Bakıda “penoplas” fasadların söküntüsünə başlanılıb. İlkin söküntü işləri Bakının Bakıxanov qəsəbəsindən (Razin) başlanıb. 

Söküntü işləri icra hakimiyyəti tərəfindən təşkil edilib. Bu işə Sabunçu rayonunun aidiyyati qurumlarının bütün əməkdaşları cəlb ediliblər. 

Qeyd edək ki, bu Bakıda ikinci oxşar hadisədir. Belə ki, ötən ayın 11-i Xətai rayonunun Zığ yolunda yerləşən 9 mərtəbəli binada yanğın olmuşdu. Hadisədə 56 mənzildə yaşayan ailələrə ziyan dəymişdi.(Qafqazinfo)

***

Məsələ ilə bağlı Bakı Şəhər İcra Hakimiyyətinin başçısı Hacıbala Abutalıbov açıqlama verib:

“Hazırda istintaq gedir. Əgər yanğına səbəb kimi binanın üzlüyünün yanan material olduğu müəyyən edilsə və qərar verilsə ki, belə binaların hamısının üzlükləri sökülsün və onlar yanmayan materiallarla əvəz edilsin, bu qərar yerinə yetiriləcək. Bunun üçün dövlətin imkanı və büdcəsi var”. (Trend)

Ölkə.Az