Keçmiş məşqçinin qohumları öldü
Bakının Binəqədi rayonunda Azadlıq prospektindəki binada baş verən yanğın nəticəsində sabiq məşqçinin yaxınları da dünyasını dəyişib.
Millimizin sabiq futbolçusu və "Xəzər Lənkəran"ın sabiq məşqçisi Emin Quliyevin yaxınları (bibisi, bibisi oğlu və bibisi qızı) bu gün Azadlıq prospektindəki binada baş verən yanğın nəticəsində dünyasını dəyişib.
Qeyd edək ki, bu gün səhər saatlarında Binəqədi rayonunun Azadlıq prospektində yerləşən binada 16 mərtəbəli binanın fasadının alışması nəticəsində yanğın qısa zamanda bütün binanı əhatə edib.
Yanğın baş verən əraziyə çox sayda insan və polis əməkdaşı toplaşıb. Son məlumatlara görə, dəhşətli yanğın nəticəsində 14 nəfər ölüb, 50-dən çox yaralı var. (ans)
Ölkə.Az
