Adil Qeybulladan Ellada Məmmədlinin partiyadan uzaqlaşdırılmasına
Müsavat Partiyasının Qadınlar Birliyinin sədri Ellada Məmmədlinin partiya sıralarından xaric edilməsinə təəssüfləndim. Partiyasının atdığı bu addımı şiddətlə qınayıram".
Bu fikirləri Ölkə.az-a Müsavat Partiyası Divanının sabiq üzvü, professor Adil Qeybulla Ellada Məmmədlinin partiya sıralarından xaric edilməsinə münasibət bildirərkən deyib. O qeyd edib ki, partiyanın bu qərarına heç bir halda haqq qazandırıla bilməz:
"Bu qadın Azərbaycan Milli Azadlıq Hərəkatının ön sıralarında gedənlərdəndir. Çox fədakar, partiya üçün yüksək xidmətləri olan bir şəxsdir. Ona görə də Müsavat Partiyasnın qərarını qınayıram".
Qeyd edək ki, Ellada Məmmədlinin partiya sıralarından xaric edilməsinə səbəb onun Nizamnamə tələblərini pozması, partiya üzvləri arasında antimüsavat təbliğatı aparması, onları təşkilatdan istefa verməyə təhrik etməsi göstərilir.
Həsən
Ölkə.az
