Evi yanmayanların da qızılları itib
Dünən Bakının Binəqədi rayonu Azadlıq prospektində yanan 16 mərtəbəli binanın sakinləri mənzillərdən əşyalarını çıxarırlar.
Ölkə.Az-ın hadisə yerində olan əməkdaşının verdiyi məlumata görə, bəzi sakinlər polisə müraciət edərək bildiriblər ki, evləri yanmasa da, bəzi qiymətli əşyaları, o cümlədən qızılları itib:
"Sakinlər polisə müraciət etdilər. Polisdən bildirildi ki, məsələ araşdırılacaq. Camaat istəyir ki, yanğın zamanı dünyasını dəyişənlərə bir yas çadırı qurulsun. Amma hələlik bu barədə yekun qərar veirlməyib".
Qeyd edək ki, baş vermiş hadisə nəticəsində 16 nəfər dünyasın dəyişib, 60-dan çox yaralı var.
Səxavət Məmməd
Ölkə.Az
