Orta ixtisas təhsili müəssisələrinə ərizə qəbulunun vaxtı uzadılır
Tam (11 illik) orta təhsil bazasında orta ixtisas təhsili müəssisələrinə (xüsusi qabiliyyət tələb edən ixtisaslar istisna olmaqla) ərizə qəbulunun vaxtı uzadılır.
Tələbə Qəbulu üzrə Dövlət Komissiyasından Ölkə.Az-a verilən məlumata əsasən, tam (11 illik) orta təhsil bazasında orta ixtisas təhsili müəssisələrinin ixtisasları (xüsusi qabiliyyət tələb edən ixtisaslar istisna olmaqla) üzrə müsabiqədə iştirak etmək istəyən abituriyentlər üçün ərizə qəbulu 20 may saat 11:00-dan 31 may saat 23:59-a dək davam etdiriləcək.
Aşağıda qeyd olunan kateqoriyadan olan abituriyentlər həmin vaxta kimi elektron ərizəni təsdiq elətdirə bilərlər:
Ali təhsil müəssisələrinin I, II, III və IV ixtisas qruplarının hər hansı biri üzrə ərizəsinin təsdiqini təmin etmiş orta ümumtəhsil müəssisələrini əvvəlki illərdə bitirən abituriyentlər;
Azərbaycan Respublikasının orta ümumtəhsil müəssisələrini 2015-ci ildə bitirən abituriyentlər.
Ölkə.Az
