Mətanət jurnalistləri hədəfə aldı: "Saytlar, onların redaktorları hansı jurnalistikadan danışırlar?"

"Gündəlik" verilişinin aparıcısı Mətanət Əliverdiyevanın Binəqədi rayonunda baş vermiş dəhşətli yanğınla bağlı səsləndirdiyi fikirlər "Gün üzü" verilişində müzakirəyə çıxarılıb.

Ölkə.Az xəbər verir ki, Əliverdiyavanın iştirakıyla aparılan müzakirələrə bir neçə jurnalist dəvət olunub. "Gün üzü"nün aparıcısı Zülfiyyə Bayramova isə həmkarına hüquq-mühafizə orqanlarına müraciət etməyi məsləhət görüb:

"Mən sizin yerinizə olsaydım, bu işin ardınca axıra kimi gedərdim. Axıra qədər gedib təzminatımı istəyərdim. Həmin kadrlara baxanda görəcəksiniz ki, ATV-ni götürmək istəməyən bir insan onu kölgələmək üçün bu variantlar əl atıb".

M.Əliverdiyeva isə fikirlərinin təhrif olunduğunu bildirib və jurnalistləri qınayıb:

" Veriliş gedə-gedə qulağıma dedilər ki, artıq bu barədə facebookda yazıblar. Kimsə də...yoldan ötən...heç o insanı tanımıram, kimdir, nəçidir? Məni dəh.ətə gətirən bilirsiniz nədir? Saytlar, onların redaktorları. Hansı jurnalistikadan danışırlar? Axı jurnalistin konsepsiyası olmalıdır, qarşı tərəfin də fikrini almaq lazımdır. Bu sahədə iyirmi ildir çalışıram. Bir tərəfdən soruşanda, digər tərəfdən də soruşuram. Bəlkə o yalan deyir. Söhbət bundan gedir".

Xatırladaq ki, teleaparıcısınn “Biz o faciəni lap belə faciə etməməliyik. Oldu, elə bil bir külək idi, bir şey idi, bir film idi baxdıq, getdi” sözləri dünəndən sosial şəbəkələrdə qınaq obyektin çevrilib.

İntiqam VALEHOĞLU

Ölkə.Az