Özünü yanan binadan atan idmançı torpağa tapşırıldı

Mayın 19-da Binəqədi rayonunda 16 mərtəbəli binada güclü yanğına görə özünü 9-cu mərtəbədən atan Nəcəfov Yaşar Fazil oğlu doğulduğu Hacıqabul rayonunda torpağa tapşırılıb.

Bu barədə Arqument.Az-a mərhumun bibisi oğlu, jurnalist Odər Qəni məlumat verib.

Onun sözlərinə görə, 1988-ci il təvəlüdlü olan Yaşar Nəcəfov Texniki Universiteti bitirib: "Həm də idmançı olan Yaşar dəfələrlə Yunan-Roma güləş üzrə gümüş və bürünc mükafatlara sahib olub.

Bakıdakı marketlərin birində adminstrator vəzifəsində çalışan Yaşar Nəcəfov hadisə baş verən binanın 14-cü mərtəbəsində yerləşən mənzildə kirayədə qalırdı.

Nəcəfovlar ailəsinin yeganə oğlu olan Yaşar yanğın olan zaman doqquzuncu mərtəbəyə qədər düşməyə imkan tapıb. Ancaq yanğının böyüməsi Yaşarın ümidlərini puça endirib. Çıxış yolunu özünü doqquzuncu mərtəbədən atmaqda görüb. Yalnız bu yolla sağ çıxacağına ümid edib, ancaq..."

Allah rəhmət eləsin!

Ölkə.Az