“Delta” ştammından qorunmağın yeganə yolu vaksinasiyadır - Baş İnfeksionist
“Delta” ştammının dominant olduğu ölkələrdə yoluxanların sayı kifayət qədər yüksəkdir. Amma 2 doza peyvənd alanlarla peyvənd olunmayanları müqayisə etsək görərik ki, vaksin vurduranlar daha az yoluxub”.
“Ölkə.az”ın məlumatına görə, bunu Səhiyyə Nazirliyinin baş infeksionisti Təyyar Eyvazov deyib.
Onun sözlərinə görə, 2 doza peyvənd alan insan yoluxsa belə xəstəliyi yüngül keçirir və xəstəxanaya aparılmasına ehtiyac yaranmır:
“Yeganə yol vaksinasiyadır. Digər üsullar - sosial məsafə və maska taxmaqdır. Mümkün qədər arxayınlaşmayaraq karantin tədbirlərinə riayət etmək lazımdır. Təəssüf ki, bu gün ictimai nəqliyyatda insanların artıq arxayınlaşmağa başladığını gördüm. Amma buna yol vermək olmaz”.
Billurə Yunus
