"Bu gün 20 bina yana bilərdi"

“Xətaidə baş verən yanğından sonra biz şirkətlərə məktub göndərdik ki, şirkətlər tez alışan üzlük materiallardan istifadəni dayandırsınlar".

Bu barədə Bakı şəhər İcra Hakimiyyətinin başçısı Hacıbala Abutalıbov deyib.

Mer bildirib ki, əgər onda tədbir görülməsə idi, indi bir yox, 20 bina yanardı.

"İndi əsas təhlükə 64 binadadır. Bütün binalardan təhlukəli üzlüklər söküləcək. İlk olaraq 9-16 mərtəbəli binalar söküləcək. Daha sonra digərləri. İyunun 5-nə kimi bütün işlər başa çatacaq”, - deyə Hacıbala Abutalıbov bildirib.

Qeyd edək ki, mer bu gün Binəqədi rayonunda yanan binanın yerləşdiyi ərazidə olub və o, sakinlərlə görüşüb. 

Ölkə.Az