Ləman Ələşrəfqızıdan İlkin Həsəniyə cavab: "Getsin bozbaşını bişirsin"

ANS telekanalının Xəbərlər Departamentinin əməkdaşı, tanınmış telejurnalist Ləman Ələşrəfqızı ATV-nin aparıcısı İlkin Həsəniyə cavab verib.

Ölkə.az xəbər verir ki, telejurnalist bu barədə sosial şəbəkədəki profilində belə yazıb:

"Səhər-səhər qanımı qaraltmaq istəmirəm. Şəmiyə-şöşüyə baş qoşmaq niyyətim yox. Getsin, bozbaşını bişirsin! Mən sözümü dedim. Əks-hücum da başa düşüləndir. İşinizdə olun".

Qeyd edək ki, L.Ələşrəfqızının "Gündəlik" verilişinin aparıcısı Mətanət Əliverdiyeva haqda hazırladığı süjetdən sonra İlkin Həsəni Facebook profilində ANS barədə sərt ifadələr yazmışdı:

"14 ildir TV-də işləyirəm,bu 14 ildə çox şey gördüm amma bir telekanalın digərinə qarşı etdiyi belə bir ŞƏRƏFSİZLİYİ görmədim! Bəs hanı sizin jurnalist həmrəyliyiniz,hanı dəqiqliyiniz,qərəzsizliyiniz? Başa düşürəm TV adlandırdığınız o konslagerinizdə bəzi işçilərinizin qədrini bilmədiz,onlar ATV-YƏ gəldi,hörmət,azadlıq ve yüksək maaş gördü,amma belə etməməli idiz! Bu gün siz,rəsmən ATV kanalına efir müharibəsi elan etdiz! OK,olsun!".

İntiqam VALEHOĞLU
Ölkə.az