Nazirlik 25 - 45 yaş arası işçilər axtarır

Azərbaycan Səhiyyə Nazirliyi Bakı 2015 I Avropa Oyunlarına tibb işçilərinin cəlb olunması üçün müvafiq işlərə başlayıb

Səhiyyə Nazirliyindən Ölkə.Az-a veriləmn məlumata əsasən, 2015-ci ilin iyun ayında paytaxt Bakıda keçiriləcək I Avropa Oyunlarında dünyanın 7000-dən çox yüksək dərəcəli idmançısı iştirak edəcək.

Qonaqlar bu yarışmada iştirak üçün 20 günə yaxın müddət ərzində ölkəmizdə olacaqlar. İştirakçılara və xarici qonaqlara keyfiyyətli tibbi xidmətlərin göstərilməsini təmin etmək məqsədilə Səhiyyə Nazirliyi könüllüləri əməkdaşlıq üçün dəvət edir.

Könüllü tibb işçisi qismində iştirak etmək istəyən şəxslərin ali tibbi təhsili (terapevt, fizioterapevt, kardioloq, travmatoloq-ortoped və s. ixtisaslar üzrə), yaşı 25 - 45 arasında olmalıdır. Seçim zamanı xarici dilləri bilən şəxslərə üstünlük veriləcək.

Ölkə.Az